{ BEAUTY }
18 May 2017
❝編輯部Good Pick!❞ 玩水都唔甩色!YSL 眉毛Marker

夏天少不免都會去吓船P、沙灘、同陽光玩遊戲,妝容就當然要超級防水啦。一個唔小心玩完無咗條眉毛,你話幾尷尬呢?YSL即將會推出全新嘅眉毛Marker,絕對係夏天必備嘅眉妝ITEM!





YSL Couture Brow Marker 絢麗持久眉筆係液體眉筆,筆頭係呈箱頭筆嘅設計。液體眉筆可以做到仿真眉毛嘅效果,防水力亦都會比筆芯眉筆高。今次就推出No.1 Light Brown同No.2 Dark Brown兩隻色。





箱頭筆嘅設計可以令大家精準咁畫出線條,無論係粗定幼都冇問題。另外箱頭筆嘅好處係比較硬,唔會好似毛筆頭咁柔軟,可以更易控制力度同線條粗幼度。



佢嘅防水力極高!小編用濕化妝棉大力抹完都只係甩咗少少色,手上顏色都仲係非常明顯。



Brow Marker大家可能較少接觸,相對眉筆都比較難用,不過只要掌握少少技巧就可以畫出自然又準確嘅眉毛。
用Brow Marker嘅時候要順住眉毛生長方向一筆筆畫,盡量輕力啲令線條更幼。想眉尾畫得夠尖就要練習輕力提筆。切記唔好用最粗嘅面一下畫上條眉,同埋唔好刻意框出眉型。



小編覺得呢支MARKER真係好顯色,好防水!而且佢嘅筆頭好易控制,畫起上嚟顏色唔會一攤攤,就算係新手用都冇問題。用佢畫眉比起用眉筆更自然,眉尾亦可以收得更尖。可惜只係推出兩隻色,顏色選擇太少。


YSL Couture Brow Marker 絢麗持久眉筆 HK$265

推出日期:
5月26日於YSL Beauté專門店(屯門市廣場專門店除外)率先發售
6月1日全線YSL Beauté專櫃有售


TEXT/IMAGE:YuTsz

YOU MAY ALSO LIKE
News
Feature
Blog
Load more
 
NOTIFICATION