{ BEAUTY }
11 Aug 2017
用到見底都要用!日本女生「用清光」美妝好物5選

平時買買埋埋咁多化妝品,要將一樣化妝品用到見底真係唔容易,除非你真係好愛佢好好用啦!今次小編就同大家介紹下幾款日本妹會用到見底回購再回購嘅彩妝好物啦!

KATE 3D造型眉彩餅

呢款唔止日本女生,小編都用清咗好幾盒!呢盒眉粉有3種色,可以跟你頭髮顏色混合使用,附送嘅眉掃好易控制,尖頭部分可以勾畫眉尾,仲可以當埋鼻影用,都係超自然架!

ESPRIQUE Select Eye Color

ESPRIQUE嘅單色眼影可以話係日本女生長年愛用品!眼影含鑽石粉體,粉質夠晒幼細,一啲都無厚重嘅感覺,而且唔易飛粉同浮粉!入面仲可入咗保濕成分,眼周嘅皮膚就無咁易乾啦!最緊要最緊要係佢勁閃勁上色!鍾意Bling Bling眼妝嘅sis真係會用到上癮啊!

LUNASOL SKIN MODELING EYES

到另一款眼影,就係LUNASOL嘅呢款四色眼影,大地色嘅配搭非常易襯,一盒有齊深淺色可以輕易就做到漸層效果,簡直係日常妝必備!日日用唔怪得之會用到見底啦!

REVLON 光感透肌蜜粉

呢盒紫色粉餅香港未有小編已經聽化妝師講去日本果時順便買埋,因為真係超好用!紫色可以提亮膚色就不在話下,佢粉質好幼細,可以修飾毛孔,有時化咗半日妝塊面會變得暗沉,用佢嚟補妝即時提亮返,個人都精神返!佢入面有少少閃粉仲可以當Hightlighter用添!

Canmake Cream Highlighter 光亮修容膏

A post shared by さゆ (@sayu_95629) on

Canmake嘅產品不嬲出名平靚正,唔止佢嘅胭脂眼影好用,呢款光影膏都好正架!佢質地好幼滑易推,仲非常貼薄上完面好似自己皮膚透出嚟咁!小編自己除咗攞嚟做光影仲會用嚟做眼影打底添架!

Source:instagramスキンモデリングアイズ  instagramクリームハイライター instagramデザイニングアイブロウ  instagramスキンライトプレストパウダー

KEYWORDS / 用清光, 美妝好物
YOU MAY ALSO LIKE
News
Feature
Blog
21 Aug 2017
Load more
 
NOTIFICATION