{ BEAUTY }
17 Feb 2017
Idol們都換上這髮型!復古味「嬉皮捲」回歸啦

2017年除咗流行「薄荷灰」嘅髮色之外,髮型上其實都有一個幾明顯嘅新趨勢。最近好多韓國女星都紛紛換上不規則又有慵懶感嘅「嬉皮士」髮型,即刻睇吓啫係點啦!



「嬉皮士」係一種線條較分明嘅曲髮,卷度通常比較細。不過idol們頭上嘅「嬉皮捲」就變化無窮,再加入佢哋嘅個人風格,效果真係好靚呀~



最近開始solo嘅徐玄換上長度較短嘅曲瀏海,比起之前無瀏海嘅時候更加年輕可愛。而最近佢都一改之前斯文嘅形象,大走玩味風,成個感覺都變得好清爽。





同樣係少女時代嘅太妍,換上嬉皮捲瀏海後就更加有精靈感,因為佢皮膚真係好白!佢頭髮嘅度比較自然,大家都可以嘗試呢種曲髮架。



泫雅同雪莉同樣電咗卷度較細嘅卷髮,所以望落就更加有個性,而且慵懶感亦會更加重。無論係將頭髮放落嚟定係綁成編髮,重點就係要留有碎髮,保持凌亂感,就會非常有少女味喇。



唔好以為淨係長髮先可以電「嬉皮捲」呀,其實短髮都一樣可以!同樣都係曲髮,但短髮嘅荷拉就比長曲髮時候嘅佢更加性,但亦保留住可愛感。



不過小編建議大家唔好衝動去髮型屋電呢個頭,因為一個唔小心就好易變成大媽頭!要carry呢種卷度,還是需要一點顏值,大家都係喺屋企自己試吓夾先啦XD


Source:hyunah_aajelly_jilliseojuhyun_staeyeon_sskoohara__

YOU MAY ALSO LIKE
News
Feature
Blog
Load more
 
NOTIFICATION