男朋友落LKF (no fb）長

cozyyy

同左佢一齊之後 我都知佢會落LKF ge.. 但係我會信佢唔會去抽人水，食人豆腐 ，但係我最基本既係要男朋友同我講佢落LKF，因為我唔想好似咩都瞞住我咁同埋唔想事後去完先比我知。

之不過我地有用snapchat，佢都會影比我睇，但到之後同fd去就唔影，同呀哥去個d就影（可能有枱掛），同埋佢去左幾次都冇同我講過，我地晚晚都傾電話，有時就話我唔同地傾得耐，我一陣間要落LKF。

我地兩個都仲讀緊u，上年我地岩岩一齊，佢淨係陪左我平安夜，想問下佢倒數去邊，佢淨係話陪fd，點知比我知佢又去左LKF，我問佢佢又唔應我，同我一齊倒數d fd個個男朋友都黎哂陪佢地，得我一個男朋友就同fd去左LKF，仲要d fd問我你放心架啦，咁重要既日子佢都唔陪你。個陣真係好唔開心。

我地一齊都冇check大家既電話，都係比信心大家，自問自已唔會成日蒲，男朋友一見到我有男仔fd都會問係邊個黎，其實都係中同，之不過佢讀男校，好少女仔fd，但係佢比我發現用tinder，用黎緊係flirt女啦，因為我偷睇佢電話，我發現左好多野，見到佢係LKF攬女影相，仲要好多張，好多個，佢個樣真係好開心，tinder又儲落一埋女，後尾我有次同佢嘈交，我問佢有冇，佢都話冇，仲即刻del左，唔比我睇（其實我一早睇左），仲話我信得過佢就唔會睇佢，仲話係d女仔搵佢，唔係佢開口先，事實緊係佢開口搵人人地唔覆佢啦，佢再哄番我，經過呢一次之後，我其實對佢既信任少左好多。點解我對tinder咁係因為佢入面有個人係我fd黎，仲話人地好正，當我同佢講係我fd，佢即刻都唔搵人，驚我知我fd再同我講。我之後又有dl 比佢發現左就話我姣話我唔專一，當我話番佢，佢淨係話因為佢d fd都用，所以佢都要用（完全唔make sense)。

個陣佢生曰我陪佢過啦，請佢食飯同埋買左個好特別既蛋糕比佢，都有買野比佢既，係對係香港已經冇得買既...我係特登係日本買，佢都冇post過相，我問佢佢話唔記得左，但過左個禮拜，佢哥係LKF開枱順便慶祝埋佢生日，個個screen有寫埋佢個名，佢個晚即刻post相，仲話係最最好既生日禮物，其實我真係唔開心，好似我既心意都唔比一個淨係識係LKF發枱比錢既哥好
我都想自己男朋友可以定性，但佢又會講，而家唔玩等幾時，女朋友唔係一個死物，你鐘意就陪佢，唔鐘意就當作發UP風

cozyyy

有時佢又對我好好，有時又好難頂，一齊左年半，真係唔知想點。 有冇sis既bf 都落LKF，你地點管佢架？如果佢落LKF佢點比安全感你?地？

布甸貓

其實同落唔落LKF係無關係，家下個問題係佢尊唔尊重你，如果重視你感受就唔會做d令你唔開心既野啦，自己考慮下

yadreamers

睇完樓主故仔感覺係樓主唔係故仔形容既咁開放。

理論篇 : 老蘭只係一個地方, 唔係去既人都係負面
事實篇 : 老蘭的而且確形象係一般向下, 你話唔標籤一定係假, 佢會去蒲, 都唔方定性得去邊亦係真

人生有九十年計, 年半請問有幾耐, 無論你係咪U緊, 係好既, 分分鐘已經結埋婚。其實男人可能只係想：「有一個叫女朋友既物體係隔離, 以展示日間健康形象」

個人唔會勸樓主盡早離開, 因為樓主必然好快會同佢分開
畢竟樓主已經踏出打上論壇既一步。

祝樓主好運, 識返個好人

Vnana

He still wants to play around. My boyfriend n I go LKF together, if he really loves u n respects u, he would have go less but he didn't. U know how serious he is in this relationship I m sure.

cozyyy

Vnana 發表於 2015-12-5 10:18
睇完樓主故仔感覺係樓主唔係故仔形容既咁開放。

理論篇 : 老蘭只係一個地方, 唔係去既人都係負面
事實篇 : 老蘭的而且確形象係一般向下, 你話唔標籤一定係假, 佢會去蒲, 都唔方定性得去邊亦係真

人生有九十年計, 年半請問有幾耐, 無論你係咪U緊, 係好既, 分分鐘已經結埋婚。其實男人可能只係想：「有一個叫女朋友既物體係隔離, 以展示日間健康形象」

個人唔會勸樓主盡早離開, 因為樓主必然好快會同佢分開
畢竟樓主已經踏出打上論壇既一步。

祝樓主好運, 識返個好人

佢話落LKF唔係玩 係識朋友 識一大堆好有錢既人 因為個堆人有d同佢呀哥好好朋友 佢亦會覺得佢既朋友圈子會大左 講到好似落老蘭係為將來打算咁 我打上黎真係想聽下大家對呢個男仔會有咩睇法

sadalone

睇哂之後
可以同你講依個男人係大話精人格相當有問題,信唔過遲早背叛你
年半青春俾左依啲人已經好浪費,但愛情真係盲目,
希望樓主明白做被分手個果好容易放唔開,加油。

Claircwing

一睇就知佢重想玩啦

Qwerty0001

佢未玩夠，你暫時唔係果個可以令佢收心養性的人

MissMissYellow

大家方向目標都唔同，無謂令自己咁辛苦

如 花

落老蘭識有錢人?淨係聽佢呢句都知佢份人5得腳踏實地喇,跟住又攬女又講大話又盛呢啲,簡直負分,飛得

cozyyy

Qwerty0001 發表於 2015-12-5 03:23
一睇就知佢重想玩啦

係咪定性就唔蒲架啦？

manmancman

定性又唔可以話唔會蒲 但有女朋友仲媾女一定唔係定性

sadalone

有好多女人用左成個青春等個男人改變
最後都係被傷害得更徹底,你好好諗下啦

yxkrxkcxn

別浪費時間

cozyyy

sadalone 發表於 2015-12-5 08:07
定性又唔可以話唔會蒲 但有女朋友仲媾女一定唔係定性

我地拍拖係用結婚做目標架 佢唔想一直哂時間係指拖上面 所以我信佢唔係玩玩下 但係佢既行為令人好難信

sadalone

coho 發表於 2015-12-6 04:37
我地拍拖係用結婚做目標架 佢唔想一直哂時間係指拖上面 所以我信佢唔係玩玩下 但係佢既行為令人好難信  ...

一係你試下諗你地結左婚佢都仲係會去玩攬女又唔公開自己結婚相
係結左但係咁你開心咩

而且佢一啲避忌心都無,有啲女人有心既話唔洗十秒佢地都玩到上床啦,
雖然未必偷到個心,
如果照你咁形容 你係得到佢個心但佢個人要同人分享,你接受到咪得....

Jac_MC

我男朋友大我9年，我今年22歲，佢31歲
佢同我一齊之前又係成日同班friend落LKF，
之前既佢好似隻冇腳既雀仔，唔鍾意拍拖種束縛，講過覺得拍拖好有壓力，例如要向對方報到自己去邊&做咩etc...
而家同左我一齊之後，變得定性左，冇再成日落LKF，就算落都係因為啲兄弟生日，落去飲兩杯，去到邊都會同我講&影相俾我睇，不過我從來冇要求過佢咁做
其實男人冇得管，亦冇得改變佢，佢有一日玩夠就會定落黎，
但好明顯你男友啱啱先開始，有排玩，你想繼續就要選擇隻眼開隻眼閉
但做女人無必要難為自己，樓主自己問心接唔接受到，俾個底線自己，做女人要有尊嚴

xxff0105

其實成件事我覺得係個男仔講大話既問題,落LKF係可以...但因為咁而忽略你係好唔應該,你可以同佢傾下時間分配既問題,如果改變唔到,Sis你真係無謂令自己唔開心

meowmeow_chu

一對情侶能唔能夠結婚，真係好講 timing。男人玩夠岩時候自然會修心養性。樓主等五等共勉之。