|
|
由學生時期開始一齊已經同居，雙方家長都知道。
入正題
第一次發現女朋友偷食係睇佢電話先知。個時我心真係好痛，仲要係同學。個陣其實一齊得唔算耐（兩-三個星期左右），但我都係心軟信佢講唔會有下次 .因為始終第一次，咁我就原諒左佢。
之後又比我發現第2,3,4,5,6次 ，我發現又係睇佢電話先知，每次佢都係喊到就死咁，求我唔好同佢講分手，每次初頭問佢都係唔認，我就會套佢講野，佢就會逐一同我講哂出黎，佢每次一講，我個心就那住那住，自己一個喊都喊左好耐，我就好唔捨得放手，我已經分唔出佢係愛我定係玩我。點解次次選擇左原諒佢信佢，當信任慢慢建立緊既時候，又同我整到變零。
學生時期完左之後 ，個陣佢已經無偷食好耐，我以為佢真係會改變，唔會再hurt我，所以我個陣對佢係100%信任。
咁之後大家一齊反工努力，我真係有諗過我地既將來，我亦都努力咁儲錢打算同佢結婚，組織家庭，之前既事隻字不提。
咁返工既時候，我承認有時真係有時忽略左佢感受，例如少左同佢wts同埋wts態度唔同左，呢樣係佢同我講返我先知，咁我都有去改到，我每日都會keep住，出左門口之後wts佢，食晏打比佢打閒又wts佢咁，返到屋企就陪佢等等，我亦都知道我地個時個感情已經唔係熱戀期，我有做過好多野去維持呢段感情令佢唔會覺得好淡好乏味。
有次佢係wts同我講過佢唔開心，
我問佢做咩之後，佢講左個問題係覺得我唔愛佢同埋話我變左對佢無耐性，成日忽略佢
我就以為好普通好普通既小問題,氹一兩句我就轉移話題。我自己都無再特別去諗佢係咪真係唔開心定係點。
直至有次嘈交真係三年幾第一次鬧分手，
佢先同我講其實佢有一個一齊左一個月既男朋友，個陣時我無諗過佢會再偷食，因為我係100%信佢，聽到之後我好想真係沖出去跳樓死左去就算，佢話同我一齊真係好悶好悶，佢話係我身上搵唔到對佢既緊張同關心，咁岩又有個岩岩識佢既男仔（男a)好關心佢好緊張佢，比到佢要既野佢，就一齊左。
到最後我女朋友主動話分手，原因係覺得佢係呃佢上床，唔係真係愛佢咁樣同我講。
佢好肯定話無上過床。
但明明每日我好攰好攰放左工之後返到屋企都陪佢氹佢，大家都仲有講有笑講我愛你你愛我，仲要一齊一個月點解可以做得出？老實講，我一次都無偷食過亦都無呢個諗法。
之前既事我真係已經完全忘記，因為我真係好愛佢，心入面個幾條刺都無左。
但因為呢件事之後我真係同佢分左手，
我個陣以為自己諗得好清楚，我真係要狠心做一次。
分左手一兩個星期佢無搵我，我又忍唔住心軟搵返佢，係我求佢同一齊返，係因為我唔想有遺憾，我好想好想試多最後一次，求左佢好耐，最尾又一齊番。
一齊番之後，佢同我講
呢一兩個星期佢係個男仔fd(男b)屋企訓，
佢好肯定話無上過床，只係一齊訓，攬下錫下。我真係唔信，我真係信過佢太多次，
次次都呃我，但我都係心入面唔信，口講信住先，個腦晚晚就諗住佢同第二個男仔訓同埋一齊左一個月既人真係諗到人都癲。
我問佢好多好多次係咪真無野再呃我，佢好肯定話係。我有次忍唔住套佢講野，
佢先又同我一五一十講返哂出黎，話其實（男a,男b)都有上過床幾次，佢話佢都唔知實際幾多次，聽到心都up埋。
究竟仲一唔一齊好？我覺得我真係好難再信呢個人同原諒到佢。
|
|
發表於 2017-8-5 07:45
樓主
COPYRIGHT 2021 © BEAUTYEXCHANGE. All RIGHTS RESERVED.