{ LIFESTYLE }
14 Mar 2018
每次估你唔到!香港電影金像獎近年爆冷結果逐個數

第37屆香港電影金像獎就快黎到喇!各位支持本土電影既sis又睇哂咁多套入圍電未呢?不過金像獎經常都出現出人意料既賽果,近年都有唔少爆冷得獎者,令大家跌哂眼鏡,今次等小編同大家一齊重溫下啦!



2017年 最佳女主角-惠英紅

第三次成為金像獎影后既惠英紅,當然係實用非凡〜不過,去年最佳女主角既入圍者常中,呼聲最高其實係《七月與安生》既周冬雨,係《幸運是我》中飾演腦退化症病人既惠英紅就被視為黑馬。



2016年 最佳女主角-春夏

憑《踏雪尋梅》擊敗多位影后級人馬,當年23歲既春夏飾演一名新移民援交少女,最後仲慘被肢解,係戲中仲有全裸演出。以為佢只係入圍陪跑:點知春夏就以出色演技,一擊即中勇擊影后!



2016年 最佳衣著-張學友、林嘉欣

同年以《暗色天堂》雙雙入圍影帝影后既張學友同林嘉欣,雖然未能如願勝出,不過就一齊得到最佳衣著大獎。靚仔靚女著乜都係靚,但唔少人就批評嘉欣當日衣著好有孕味,而學友全黑打扮亦唔突出,可以話係爆哂冷。



2013年 最佳女配角-陳靜

形象性感既陳靜,係《低俗喜劇》中飾演一個力求上位中既模,自然既演技令佢擊敗多位前輩,包括金燕玲同邵音音,結果令唔少人大跌眼鏡。



2013年最佳女主角-楊千嬅

余春嬌一角係唔少sis心目中既經典,演活左唔少港女心!不過大笑姑婆千嬅係過往一向唔被視作實力派,直至以《春嬌與志明》擠身影后席位,實力被肯定,絕對係吐氣揚眉!



同球賽一樣,唔到最後一刻都唔知鹿死誰手,想知今年既結果?記得要留意今年4月18日舉行既香港電影金像獎頒獎禮喇! 

 

YOU MAY ALSO LIKE
News
Feature
Blog
02 Sep 2018
Load more
 
NOTIFICATION