{ LIFESTYLE }
30 May 2018
陳煒《宮心計2深宮計》演技奸到出汁 觀眾大讚:好好戲!

《宮心計2深宮計》短短播出兩個星期,成為不少觀眾每晚必追嘅劇集,而收視亦節節上升,第一集仲錄29.3點。不過,最令網友討論嘅除咗係劇情之外,演技都成為大家茶餘飯後嘅話題。係劇中飾演太平公主嘅陳煒,幾乎由第一集出場到而家,氣勢如虹,好多觀眾都大讚煒哥好好戲!




太平公主由第一集開始已經霸氣外露,每次與太子馬浚偉同太子妃胡定欣理論時,每次講台詞都咄咄逼人,眼神又凌厲,奸到出汁嘅演技令煒哥勁搶Fo







不過再強嘅女人都有柔弱嘅一面,好似有一晚陳煒飾演嘅太平公主獨自飲悶酒,令她回想起與先夫薛紹過往嘅點滴,其後現實嘅駙馬曾偉權見狀後,立即上前安慰對方。曾偉權更講出對太平公主嘅感覺,但太平公主性格咁強悍,喊住認定先夫薛紹才是駙馬,令不少觀眾睇到眼濕濕!









其實煒哥早前曾受訪時直認「太平公主」係其代表作,昨天更在微博答謝觀眾︰「其實我從未當過自己係反派,只會按照角色背景成長造成性格,去做自己認為啱,認為合理嘅事。多謝大家喜歡太平公主!」相信今年年尾頒獎禮煒哥一定係熱門視后人選!








SourceFacebook/Instagram

TextAlina Wan

YOU MAY ALSO LIKE
News
Feature
Blog
Load more
 
NOTIFICATION