{ LIFESTYLE }
16 May 2018
香港「最萌星二代」超多人like 你覺得邊個最萌?

有玩開IG嘅你地,相信following入面點都會有啲小朋友嘅蹤影,好似張繼聰,不時po出女兒Kakaball嘅短片,有好多人睇完都紛紛留言話小朋友超級可愛。加上近年無論內地還是韓國,都有多個親子真人騷節目《爸爸去哪兒》、《媽媽是超人》及《超人回來了》等,睇到小朋友天真無邪嘅樣子,真係好治癒,不期然露出「姨母微笑」!今日我地就同大家回顧下香港「最萌星二代」有邊幾位!



第一位:張靖(張繼聰囡囡)

萬千寵愛在一身嘅Kakaball,話咁快已經1歲喇,Daddy張繼聰同媽咪謝安琪,仲有哥哥張瞻不時係IG po出Kakaball嘅片段同照片。見到Kakaball好似遺傳咗Daddy張繼聰嘅搞笑基因, 影相嘅時候表情都特別古靈精怪,超得意!









第二位:小春雞(黎諾懿仔仔)

同樣都係1歲嘅小春雞(黎峰睿),愈大愈可愛,個樣仲似足爸爸!黎諾懿可以話係錫到燶,無論有幾忙都會剪下仔仔嘅短片放上IG,同粉絲一齊開心share。而小春雞嘅魔性笑聲簡直係特徵之一,唔開心嘅時候睇到,個心真係即刻融化晒!







第三位:Mui G  (朱薰囡囡)

DJ朱薰嘅囡囡Mui G 就比Kakaball同小春雞大一歲,已經牙牙學語,仲同媽咪仲有個個譚仔一齊唱歌!不過最好笑嘅一定係Mui G 兩歲人仔已經知道咩叫做「奶奶」,當爸爸問佢邊個係「奶奶」嘅時候,Mui G好快就答,「媽咪朋友!」搞到朱薰同老公哭笑不得,爸爸仲即刻話,「證明婆媳關係好!」





第四位:Jacques(周汶錡仔仔)

周汶錡嘅3歲大仔Jacques,可以話係表演慾旺盛,媽咪Kathy每次po佢嘅片段於係IG都會又無數網民嘅likes!雖然Dadyy係法國人,但Jacques不單只識講英文同法文,Jacques仲識廣東話同國語,語言天份好高!而Jacques好鍾意唱歌,睇Kathy嘅IG,相信Jacques首本名曲一定係《世上只有媽媽好》,咁一定冧死媽咪喇!








Source:Instagram
Text:Alina Wan

YOU MAY ALSO LIKE
News
Feature
Blog
Load more
 
NOTIFICATION