{ BEAUTY }
11 Jan 2019
又實測Beauty Hacks有無用!?餐具篇

又嚟玩小編Eunice喇~吖!唔係,係玩實測Beauty Hacks先啱!今次就搵咗幾個用餐具化妝嘅方法,究竟得唔得呢!



 

牙簽畫眉

 






梗係由幼幼嘅牙簽仔玩起啦!上網睇到將眉Gel搽上牙簽,再畫上眉毛就會得出一條好完整嘅眉。Eunice試完,係得嘅⋯⋯不過好易畫過龍,而且一朝早起身手震震要對準支牙簽都有少少難度,同埋呢排興啲自然原生眉嘛,用呢個方法畫嘅眉妝會好實色、條邊好Sharp同好平無弧度,咁就睇大家追求邊款眉妝喇!

 

湯匙畫眼線

 






呢個方法成日都睇到上網有人用,今次等Eunice試試佢!先用匙羹柄擺係眼尾畫咗條線先,再用匙羹頭嘅孤度拼出一個三角形眼尾,再填埋色就有一條好靚嘅眼線。結論係⋯⋯嘥氣!!好難掌握個位置,度得嚟又周圍郁,學Eunice話齋,畫完出嚟真係好似叱咤個獎座咁震,畫貓眼線呢家嘢都係唔啱我地架喇!不過俾少少建議想試嘅朋友,可以揀返隻細啲嘅茶匙會好啲!

 

叉子打鼻影





 

無錯!又係一個嘥氣嘅方法!!!將個叉放係鼻度,再將陰影粉掃係左右兩條空隙度。一嚟好易放得唔正中,咁個鼻影已經走晒位;二嚟好易唔覺而掃到中間果條空隙,搞到鼻中間都黑埋;三嚟其實支掃好難掂到個鼻,唔知掃唔掃到嘅情況下你就總會掃多兩下,事關一拎開咗就未必對得返個位,點知咁就出事喇,變到成個阿梅咁(笑)而Eunice擺得有啲上,好易掃到眉心,結果佢係成功打到個阿凡達鼻影出嚟嘅!而小編試過無論反轉隻叉、放低啲、用支細啲嘅掃整都係唔係好靚,不如信下自己,就咁掃落去仲無咁嬲!

 

湯匙打陰影

 


最後呢個方法小編對佢好有期望架!見人好似整得幾靚,點知自己落手做完全係兩回事!將匙羹放係面頰打斜嘅陰影位再掃上Shading,出到嚟條線好Sharp好明顯,諗住Blend開佢啦⋯⋯死伙!Blend唔開!!可能太上色嘅關係,變咗好似兜住個蘋果肌,成個《恐懼鬥室》嘅SAW咁。嗯⋯⋯我地都係放棄啦(笑)




Videographer: Hong Lam & Jo Lo

Video Editor: Jo Lo

Designer:Verna Poon

Content Editor: LaamLaam Ip

Model: Eunice Yip

 

News
Feature
Blog
Load more
 
NOTIFICATION