{ LIFESTYLE }
07 Dec 2018
【大帥哥】出現《西遊記》經典對白 張衞健嘅愛情故事超浪漫!

原本係去年慶祝TVB50週年嘅台慶劇《大帥哥》,相隔1年劇集終於係日前播出,劇中最矚目嘅一定係dicky張衞健喇。因為呢套劇係dicky違22年重返娘家TVB拍劇,眾所周知張衞健過往嘅劇集都出現經典對白,估唔到係《大帥哥》都可以聽到!超令人意外!!





好似《齊天大聖孫悟空》嘅「我係如來佛祖玉皇大帝觀音菩薩指定取西經特派使者花果山水濂洞美猴王齊天大聖孫悟空啊!勁到跌渣!」仲有《小寶與康熙》嘅「涼風有信,秋月無邊。虧我思嬌情緒,好比度日如年,雖則我唔係玉樹臨風,瀟洒倜儻,但我有廣闊嘅胸襟,加強勁嘅臂彎」







其實Dicky可以話係一班90後嘅童年回憶,因為佢出演嘅劇集都非常好睇,就好似《西遊記》咁!簡直係當年嘅神劇!




Dicky同太太張茜嘅愛情故事都十分感人,二人2001年因拍攝《小寶與康熙》時相識後相戀,不過拍拖六年間曾兩次分手。直到第二次分手時,佢開始到張茜對自己嘅重要性,於是寫咗封道歉信將對方追回。




2007年張茜懷孕,Dicky才對外界承認二人一早係2004年註冊結婚,但可惜約在懷孕八個月時,張茜患感冒導致免疫力低,導致流產。2014年,張茜終於再次懷孕,但卻在懷孕7個月時不幸再次小產,令太太很自責。張衛健決定推掉所有工作,陪太太走出喪子之痛,「她受的傷遠遠比我重,我告訴自己要盡快清醒離開陰霾,所以那時間把所有工作放下,每天陪在她身邊。」





張衞健其後受訪時甚至曾表示,「與其追求轟轟烈烈、愛到死去活來的愛情,倒不如尋找一段讓我覺得是細水長流的姻緣。」




Source:微博
Text:Alina Wan

News
Feature
Blog
Load more
 
NOTIFICATION