{ LIFESTYLE }
09 Nov 2018
古天樂為謝安琪開金口 原來係因為Juno夠細心!

日前謝安琪同麥浚龍Juno舉行拉闊音樂會,以一曲《羅生門》掀起序幕,開始整個「浦銘心與董折的故事」,期間仲唱咗好多大家都熟悉嘅歌曲,例如《人妻的偽術》、《一個女人和浴室》、《雌雄同體》等等大家都熟悉的歌曲後。去到末段,金像影帝古天樂更現身大會螢幕中,宣布古仔飾演Kay(浦銘心)的第二任老公藍定凌,並一同合唱《(一個男人)一個女人和浴室》。





究竟點解一向好抗拒唱歌古仔今次會再次行入錄音室呢?琴日呢個謎底終於解開,原來係因為之前同Juno拍電影《風林火山》時成為好友,古仔大讚好欣賞Juno嘅細心,又表示二人係電影上嘅理念好似,「大家都好願意花時間去做電影。我唔擅長唱歌,但《一個男人》唔單係首流行曲,係整個故事嘅一部分,一個回憶,我以藍定凌嘅身份去唱,係一個表演。」





古仔話覺得今次合作好有趣,因為首歌好有劇情好似一部電影,仲話好期待將來有機會拍成電影。



而阿Kay仲話希望可以同同古仔一齊登台,不過古仔就即刻話,「做乜嘢都得,唔好要我唱live,呢首歌歌詞句句唔同,冇重複,我揸起支咪已有壓力喇。」希望有一日可以聽到古仔同kay親自演繹喇!




Source:Instagram
Text:Alina Wan

YOU MAY ALSO LIKE
News
Feature
Blog
Load more
 
NOTIFICATION